Бензема «Реал»да Роналду ўрнатиб кетган рекордни янгилади

Футбол бўйича Испания чемпионатининг 23-тури доирасида «Реал» сафарда «Осасуна»га қарши баҳсда майдонга тушиб, 4:1 ҳисобида ғалаба қозонди.

Учрашувда «Реал»нинг франциялик ҳужумчиси Карим Бензема битта голли узатма берди. Бу эса Бензема учун «Реал» сафидаги 132-голли узатмаси бўлди.

Натижада Карим айни дамда «Ювентус» сафида ҳаракат қилаётган «Реал»нинг собиқ аъзоси Криштиану Роналдуга тегишли рекордни янгилади. Роналду «Қироллик клуби» сафида 131 та голли узатма берганди.

Маълумот учун, Бензема Ла Лиганинг жорий мавсумида гол+пас тизимида 19 очко жамғариб турибди.