Facebook компанияси Хитойда тарқалган коронавирус ҳақидаги нотўғри маълумотлар ижтимоий тармоқдан ўчирилишини эълон қилди, деб ёзади «РБК».
Компания хабарида айтилишича, шунингдек, инсонларни чалғитишга хизмат қилувчи фитна назариялар ҳам ўчирилади.
Бундан ташқари, Instagram’да коронавирус ҳақида асоссиз маълумотлар тарқалишига хизмат қилаётган хештегларга ҳам барҳам берилади.
Компания касалликнинг тарқалиши билан боғлиқ эҳтиёт чораларини, шунингдек, вазиятни бартараф этиш учун шифокорлар томонидан амалга ошириладиган янгиликларни улашишга ваъда берди.
Аввалроқ Қозоғистонда ижтимоий тармоқлар орқали Олмаота шаҳрида коронавирус тарқалганлиги ҳақида хабарлар тарқатган шифокор ушлангани ҳақида маълум қилинганди.
Маълумот учун, Хитойда коронавирусдан 200 дан ортиқ киши вафот этди, бутун дунё бўйлаб вирусни юқтирганлар сони 9,6 мингдан ошиб кетган.
Изоҳ (0)