Франция президенти Эммануэль Макрон Туркия президенти Ражаб Тоййиб Эрдўғон Ливияга кўнгилли суриялик аскарлардан иборат кемаларни жўнатиб, берган ваъдасини бузганлигини маълум қилди, деб хабар беради «Коммерсантъ».
Макроннинг сўзларига кўра, бу Туркия президенти томонидан Ливиядаги можарони барқарорлаштириш бўйича Берлинда ўтказилган анжуманда берган ваъдасига тескари ҳаракат ҳисобланади.
«Сўнгги кунларда биз Ливияда ичида ёлланма сурияликлар бўлган Туркия кемаларини кўрдик. Бу президент Эрдўғон томонидан Белиндаги анжуман вақтида берган ваъдаси тамомила тескари ҳаракатдир», — дейди Макрон.
Эслатиб ўтамиз, анжуман вақтида Эрдўғон Туркия Ливияга фақатгина инструктор ва ҳарбий маслаҳатчиларни юборганини маълум қилганди. Миср, БАА, Туркия, АҚШ, Россия, Франция, Буюк Британия ва Италия Ливияда жанг қилаётган томонларга ҳарбий ёрдам кўрсатмаслик бўйича баённома имзолаган эди.
Мавзуга доир:
Изоҳ (0)