Президент Шавкат Мирзиёев соғлиқни сақлаш соҳасини ривожлантириш масалалари ҳам муҳокама қилинган 27 январдаги йиғилишда соҳадаги кадрлар таъминоти, малакаси ва салоҳиятини танқид қилди.
Ҳозирда соғлиқни сақлаш тизимида 75 минг нафар шифокор фаолият юритмоқда. 2 900 та умумий амалиёт шифокори, 10 мингта тор мутахассислар етишмайди. Илмий изланиш натижаларини ҳаётга жорий этиш 5 фоиздан ҳам ошмайди.
«Президентимиз мутахассисларни давлат буюртмаси асосида манзилли тайёрлаш, мақсадли квоталарни туман, қишлоқ ва иш жойи кўрсатилган ҳолда шакллантириш зарурлигини таъкидлади», — дейилади Президент матбуот хизмати хабарида.
Қайд этилишича, йиғилишда тиббиётда илм-фанни ривожлантириш, илмий изланишларнинг устувор йўналишларини қайта кўриб чиқиш бўйича топшириқлар берилган.
Изоҳ (0)