Ўзбекистонликлар 2020 йилнинг 2 февалидан бошлаб Шенген визасини олиш учун аввалгидек 60 евро эмас, балки 80 евро тўлов қилади, деб хабар бермоқда Spot.
Бу Шенген визаси учун мурожаат қилган барча шахсларга 2020 йил февраль ойининг биринчи кунидан бошлаб қўлланиладиган янги Шенген визаси кодекси билан тасдиқланди.
Бола учун виза олишда ҳам ҳозиргидек 35 евро ўрнига 40 евро тўланади. Олти ёшгача бўлган болалар эса аввалгидек виза тўловларидан озод этилади.
Виза олиш тартибини осонлаштириш учун янгиланган Шенген визаси кодекси аъзо давлатлардан иложи борича ушбу аризаларни электрон шаклда тўлдиришни ва топширишни тавсия қилмоқда.
Шунингдек, мурожаатчиларга аризаларни тегишли аъзо давлат томонидан тан олинган электрон имзо билан имзолашга рухсат беради.
Яна бир афзаллиги — Шенген визаси учун аризани режалаштирилган сафар кунидан кўпи билан 6 ой аввал топшириш мумкин. Аввал бу муддат 3 ойни ташкил қилган. Бироқ ариза топширишнинг энг қисқа муддати ҳали ҳам 15 кунни ташкил этади.
Беш йилгача амал қиладиган кўп марталик визалар Шенген ҳудудига тез-тез ташриф буюрадиган ва ижобий виза тарихига эга бўлган (яъни ўзларининг аввалги визаларидан қонуний фойдаланган) саёҳатчиларга берилади.
Изоҳ (0)