Сиз суратда кўриб турган болакайнинг исми Шоҳруххон. Навоий шаҳрида туғилган. Ҳозир саккиз ёшда.
Шоҳруххон ўтган йили бахтсиз ҳодиса туфайли дарахтдан йиқилиб, чап оёғининг болдир суяги синиб, оғир жароҳат олган. 2019 йилда зудлик билан операция қилиниб, бешталик бурама мих ва пластинка қўйилган. Айни вақтда бурама мих ва пластинка қимирлаб, синган жойи яхши битмай қолган. Оёғининг синган жойи қайта шамоллаб, шишлар пайдо бўлган ва йиринглаган.
Шифокорларнинг айтишича, беморнинг оёғини қайта операция қилиб, унинг болдир суягининг синган жойига саккизталик бурама мих пластинка ва қайта қимирламаслиги учун шина қўйдириш зарур. Иккита жарроҳлик амалиётини ўтказиш учун эса 20 милион сўм маблағ керак.
«Ўтган йили ‘Daryo.uz’ сайтида турмуш ўртоғим Фурқат Исоқовга ёрдам мурожаат қилгандим. Шундан кейин йиғилган пулга уларни даволатгандик. Энди эса ўғлим бахтсиз ҳодиса туфайли тўшакка михланган. Бир аёл учун икки жонингдан азиз бўлган инсонларнинг ётиб қолиши оғирлик қиларкан. Қанча хижолатли бўлмасин, ўғлим учун ёрдам сўрашга мажбурман.
Турмуш ўртоғим ва мен меҳрибонлик уйида катта бўлганмиз. Ҳозир Навоий шаҳридаги давлат ётоқхонасида яшаймиз. Турмуш ўртоғим иккинчи гуруҳ ногирони, мен эса ҳеч қаерда ишламайман. Фақатгина турмуш ўртоғимнинг 317 минг сўмлик нафақа пулига кун кечирамиз.
Ўғлим тезроқ операция қилиниши керак. Унинг учун 20 миллион сўм маблағ зарур, аммо бизда бир сўм ҳам пул йўқ. Барча саховатли инсонлардан ўғлимнинг операцияси учун моддий ёрдам беришларини сўрайман, — дейди биз билан суҳбатда Моҳигул опа.
Барча саховатли юртдошларимиздан Шоҳруххон Исоқовга қўлидан келганча ёрдам беришларини сўраб қоламиз.
Шоҳруххон Исоқовга хайрия қилиш истагида бўлганлар учун керакли маълумотлар:
Пластик карта орқали:
Моҳигул Маҳмудова номига очилган
Халқ банки 86000609 72919618
Хориждан маблағ юбормоқчи бўлганлар учун паспорт маълумотлари
Маҳмудова Моҳигул Шавкатовна
Паспорт рақами: АB 6030326
Мурожаат учун +998913300589
Изоҳ (0)