Ўзбекистон доимий аҳолиси сони 2020 йил 1 январь ҳолатига кўра, 33905,8 минг кишини ташкил этиб, 2019 йил бошидан 650,3 минг кишига ёки 2,0 фоизга ўсди. Бу ҳақда Давлат статистика қўмитасининг демографик вазият тўғрисидаги ҳисоботида келтирилди.
Республика ҳудудлари кесимидаги таҳлилларга кўра, энг кўп аҳоли сони Самарқанд вилоятида бўлиб, республика аҳолиси сонидаги улуши 11,4 фоизни ташкил этган. Кейинги ўринлардан Фарғона вилояти (11,1 фоиз), Қашқадарё вилояти (9,7 фоиз) ва Андижон вилояти (9,2 фоиз) жой олган.
Дастлабки маълумотларга кўра, 2020 йил 1 январь ҳолати бўйича Ўзбекистон доимий аҳолиси сонининг 30,5 фоизи меҳнатга лаёқатли ёшдан кичиклар, 58,9 фоизи меҳнатга лаёқатли ёшдагилар ва 10,6 фоизи меҳнатга лаёқатли ёшдан катталар ҳиссасига тўғри келмоқда.
Қайд этилишича, 2019 йилнинг январь декабрь ойларида 815,9 минг нафар бола туғилган бўлса, бу давр мобайнида 155,0 мингта ўлим ҳолати қайд этилган.
Изоҳ (0)