Тошкентда машҳур хонанда Alabina ва Los Ninos гуруҳи концерти бўлиб ўтади
26 февраль куни Тошкентда машҳур хонанда Alabina ва Los Ninos гуруҳининг концерти Халқлар дўстлиги саройи (Истиқлол)да бўлиб ўтади. Бу ҳақда кўпроқ билишни истайсизми? Қуйидагиларни ўқиб чиқинг!
Alabina’нинг Тошкентда ўтказилиши кўзда тутилаётган концерти тўғрисида батафсилроқ!
Тадбир дастуридан янги қўшиқлар ҳамда халқаро миқёсда оммавий бўлиб кетган, эски композициялар ўрин олган. Жумладан, жўшқин «Casablanca», «Baila Maria» ва шарқона оҳангларни тараннум қилувчи «Salma Ya Salama», «Ya Habibi Yalla» каби қўшиқларни ёдга олиш мумкин.
Об-ҳавонинг совиб кетиши кутилаётганига қарамай, концерт, оташинлик ва шод-у хуррамлик руҳида ўтиши кутилмоқда. Концерт муҳити томошабинларни ажабтовур эҳтирослар ва қизғин рақслар уммонига шўнғишга ундайди.
Alabina – ўз ижодида испанча, арабча ва яҳудий мусиқаларининг бекам-у кўст уйғунлигини топа олишга эришган ижрочидир. Ва айнан худди ўша, эришиб бўлмасдай кўринувчи, симбиозга етиша олади. Бу мусиқавий жамоага, ҳар бир эшитувчининг жинси, ёши ва ижтимоий келиб чиқишидан қатъи назар, уларнинг кўнглидан жой оладиган, қўшиқларни яратиш ва ижро этиш имконини беради.
Қўшиқчи Alabina ҳақида икки оғиз сўз
Гуруҳнинг ижоди билан нотанишман, деб ўйлаётган бўлсангиз, бундай фикр шубҳасиз хато эканлигини билиб қўйинг. Айнан Alabina қўшиғи машҳур «Клон» сериалидаги саундтреклардан бири сифатида ишлатилган эди. Ва айни унинг қўшиқлари мухлислар қалбидан жой олмоқда.
Ундан ташқари, Alabina мусиқавий куй-оҳанглари кўпгина замонавий композициялар учун аранжировкалар сифатида ҳамма жойда кенг қўлланади.
Хонанданинг Исроилда таваллуд топганлигидан ҳамма ҳам бохабар эмас. Унинг ҳақиқий исми – Эти Зах. У 15 ёшлигидаёқ, яъни ҳали навқирон қизалоқлигидаёқ қўшиқ айтиб, чиқишлар қила бошлаган. Бўлғуси юлдуз сал кейинроқ Францияга доимий яшаш учун кўчиб ўтган. Ва айнан шу жойда унинг ҳаётида энг муҳим давр бошланди – унинг ижоди барқ ура бошлади. Ушбу даврга келиб, Иштар (ҳозирда – Alabina) Исроилда ва Яқин Шарқ мамлакатларида машҳур хонанда сифатида камол топиб бўлган эди.
Францияга кўчиб ўтиш унинг ҳаётида ўта муҳим воқеага айланди. Тез орада Eti Los Niños лўлилар гуруҳининг яккахон қўшиқчиси бўлиб қолди. Бир оз вақтдан сўнг эса ушбу жамоа ўз номини Alabina деб ўзгартирди. Шу ўринда, хонанда мазкур номга ҳуқуқларни ўзида сақлаб қолади ҳамда ушбу тахаллус билан якка ҳолда чиқа бошлайди. Дарвоқе, у ўз қўшиқларини 6 (!) тилда ёзади ва ижро этади.
Гуруҳнинг «The Album» деб ном олган биринчи альбоми 1996 йилдаёқ дунёга келган эди. У 200 000 нусхада сотилган эди. Бироқ бу фақат бошланиши эди холос. «Alabina», «Ole y Ola» ва бу single’ларининг ҳар қайсиси 150 000 нусхагача миқдорда сотилган.
2007 йилдаги гострол сафарлари гуруҳга нафақат оламшумул шуҳратни, шунингдек 15 000 000 доллар келтирди. Ҳозирги кунда гуруҳнинг концерт жадваллари бир йил олдинга режалаштирилиб бўлган ҳамда Alabina Исроил, АҚШ ва Европа бўйлаб муттасил гастроллар уюштириб туради.
Alabina ижодини гавдалантириш юзасидан баъзи фикрлар
Ҳайратланарлиси шундаки, гуруҳ репертуарида фақат иврит тилида ёки соф араб тилидагина ёзилган, қўшиқлар йўқ. Барча композициялар ҳар икки тилнинг уйғунлигидан иборат. Яъни, композиция матнини ёзишда араб тилидан фойдаланилган бўлса, мазкур матннинг 50 фоизи шунингдек ивритда ҳам ёзилади.
Яккахон қўшиқчининг таъкидлашича, бу билан у иккита қарама-қарши ва ҳатто адоватда бўлган дунёқарашлар ўзаро тинч-осуда умр кечира олишини намоён қилиб, жамиятда ўрнашиб қолган стереотипларга қандайдир аксил даъват ташлайди. Боз устига, бундай тандем қандайдир мутлақо янги, ноёб нарсани туғдира олишга ҳам қодирдир. Қайсики ҳеч кимни бефарқ қилдира олмайди.
Тез орада Сиз ҳам Alabina’нинг Тошкентдаги чиқишларини эшитиб ва кўриб, бундан шахсан баҳра оласиз. Тадбирнинг ташкилотчилари Alabina’га чипталарнинг нархлари ҳар кимга имкониятли бўлишини таъминлаш учун ҳаракат қилишди ва буни амалга оширди. Ахир, яхши куй-наволарни ҳаммаям яхши кўрадида. Ижрочи истарасининг иссиқлиги ва ўзига мафтун қилувчи оҳанглари эвазига, Alabina бутун дунёга ўзининг ижоди ҳақиқатан ҳам ноёб эканлиги исботлаб бўлган! Ушбу гуруҳ мусиқасини ҳар бир авлод учун универсал ва долзарб деб ҳисоблаш мумкин.
Чипталарни харид қилишга улгуриб қолинг – чунки улар борган сайин камайиб бормоқда!
