Бугун, 13 январь куни барча сиёсий партиялардан Халқ депутатлари Андижон вилоят Кенгашига сайланган депутатларнинг биринчи сессияси бўлиб ўтди, деб хабар берди Андижон вилояти ҳокимлиги матбуот хизмати.
Сессияда Ўзбекистон Республикаси Президенти маслаҳатчисининг ўринбосари Одил Солиев иштирок этди.
Сессияда Ўзбекистон Республикаси Президенти томонидан Андижон вилояти ҳокими лавозимига тавсия этилган Шуҳратбек Абдураҳмоновнинг номзодини тасдиқлаш тўғрисида ҳамда Халқ депутатлари вилоят, туман ва шаҳар Кенгашлари депутатларининг қўшма мажлиси маслаҳат кенгаши аъзолигига номзодни тавсия этиш тўғрисидаги Халқ депутатлари Андижон вилояти Кенгашининг қарорлари қабул қилинди.
«Шундан сўнг бир овоздан якдиллик билан Шуҳратбек Абдураҳмонов Андижон вилояти ҳокими этиб қайтадан сайланди», — дейилади хабарда.
Изоҳ (0)