Фарғона вилояти Учкўприк туманида фермерлар томонидан пахта ҳосили пуллари берилмаётганлиги ҳақида ижтимоий тармоқларда тарқалган хабарлар юзасидан Фарғона вилояти прокуратураси расмий баёнот берди.
Маълум бўлишича, «Реал Транс Логистик» унитар корхонаси пахта-тўқимачилик кластери ўртасида тузилган контрактация шартномалари бўйича Учкўприк тумани фермер хўжаликлари томонидан топширилган пахта хом ашёси учун жами 47 миллиард 984 миллион сўм тўланиши белгиланган.
Тақдим этилган маълумотларга кўра, корхона томонидан фермер хўжаликларига жами 18 миллиард 504 миллион сўм тўлаб берилган.
9 январда 1 миллиард 400 миллион сўм қарздорлик АТБ «Агробанк» Учкўприк туман филиали ҳисоб-рақамига ундирилиши таъминланган бўлиб, ҳозирда 28 миллиард 80 миллион сўм қарздорлик мавжуд.
Хабарда таъкидланишича, Кластер корхонасининг пахтани қайта ишлашдан олинган тола, ишлаб чиқарилган маҳсулот ҳисобидан қарздорликни бартараф этиш имконияти мавжуд бўлиб, тез орада тўлаб бериш юзасидан корхона томонидан кафолат хати берилган.
Изоҳ (0)