Фавқулодда вазиятлар вазирлиги 9 январь куни соат 23:17 да Тошкентнинг Бунёдкор ва Фурқат кўчалари чорраҳаси яқинида BMW ва Lacetti автомобиллари иштирокида юз берган йўл-транспорт ҳодисаси ҳақида расмий ахборот берди.
Вазирлик ахборотида ЙТҲ айнан қандай, кимнинг айби билан юз бергани ҳақида малумот берилмаган. Қайд этилишича, тўқнашув оқибатида BMW’нинг мотор ва салон қисмида, Lacetti’нинг эса салон қисмида ёнғин келиб чиққан.«Ҳодисада икки фуқаро воқеа жойида вафот этган, яна икки нафари эса турли даражадаги тан жароҳатлари билан Республика шошилинч тиббий ёрдам илмий марказига ётқизилган», — дейилади ФВВ ахборотида. Қурбонлар айнан қайси автомобилда бўлганига аниқлик киритилмаган.
ФВВ ахборотида қўшимча қилинишича, ЙТҲ юзасидан дастлабки терговолди текширув ишлари олиб борилмоқда.
Изоҳ (0)