Ўзбекистон стандартлаштириш, метрология ва сертификатлаштириш агентлигининг («Ўзстандарт» агентлиги) қарори билан янги давлат стандарти DSt EN 13809:2019(EN 13809:2003, IDT) «Туризм хизматлари. Туроператорлар ва турагентлар. Атамашунослик» қабул қилинди. Бу ҳақда Туризмни ривожлантириш давлат қўмитаси ахборот хизмати хабар берган.
Стандарт Ўзбекистон Республикаси Туризмни ривожлантириш давлат қўмитаси қошидаги «Туризм хизматларини сертификатлаштириш маркази» ДУК томонидан ишлаб чиқилган.
Ушбу стандарт матни EN 13809:2003 «Tourismservices – Travel agencies and tour operators– Terminology» халқаро стандарт матнига айнан ўхшаш. Ушбу стандартда туризм бизнесида кенг қўлланиладиган бир қатор атамаларнинг таърифлари мавжуд ва у туризм хизматларидан фойдаланувчилар ва провайдерлар ўртасидаги ўзаро ҳамфикрликни осонлаштиришга ундайди. Туризм хизматларини онгли равишда танлаш сайёҳлар кутган туристик хизмат сифатидан қониқиш эҳтимолини оширади. Шу билан бирга, туризм бизнеси соҳадан яхши хабардор бўлган истеъмолчилар борлигидан ҳам фойда кўради.Мавзуга доир: Азиза Умарова туризм тадбиркорлиги бўйича исталган киши фойдаланиши бўлган 10 та ғоя тақдим этди
Маълумот учун илова ўзбек, инглиз ва рус тилларидаги атамалар луғати ҳисобланади. Стандарт 2020 йилнинг 1 апрелидан кучга киради.
Изоҳ (0)