«Украина халқаро авиалиниялари» (МАУ)нинг Boeing 737 самолёти Теҳрондаги Имом Хумайний аэропортидан ҳавога кўтарилганидан кўп ўтмай қулади. Бу ҳақда Эроннинг ISNA ва Shehab агентликлари хабар берди.
ОАВда пайдо бўлган илк маълумотларда самолёт бортида 180 нафар йўловчи ва экипаж аъзолари бўлгани айтилган эди. Кейинроқ аэропорт вакили «РИА Новости» агентлигига самолётда 167 нафар йўловчи бўлганини маълум қилди.
Flightradar24 сервиси маълумотларига кўра, самолёт жойлашуви ҳақидаги сўнгги маълумот у Теҳрон яқинидаги Паранд шаҳри устидан учиб ўтаётган вақтда олинган. МАУ сайтида Теҳрондан Киевга учган PS752 рейси маҳаллий вақт билан 5:15 да (Тошкент вақти билан 6:45 да) учиб кетгани кўрсатилган.
We are following reports that a Ukrainian 737-800 has crashed shortly after takeoff from Tehran. #PS752 departed Tehran at 02:42UTC. Last ADS-B data received at 02:44UTC. https://t.co/qXWHUPGDTu pic.twitter.com/vuAi6TOqTp
— Flightradar24 (@flightradar24) January 8, 2020
«РИА Новости» Эроннинг Tasnim агентлигига асосланиб хабар беришича, самолёт «техник муаммолар» сабаб қулаган. Авиаҳалокат ҳақидаги маълумотни Теҳрон аэропорти раҳбари тасдиқлаган.
Авиаҳалокат қурбонлари ҳақида ҳозирча аниқ маълумот йўқ.
First photos emerge from site of plane crash near Tehran; there are no indications of survivors - Tasmin pic.twitter.com/LOuyhza0Yj
— BNO News (@BNONews) January 8, 2020
Маълумот учун, Эрон 8 январга ўтар кечаси Ироқдаги АҚШ ҳарбий базаларига ракета зарбалари берган эди. Эрондан учирилган 15 та ракетанинг 11 таси белгиланган нишонга етиб борган.
Шундан сўнг АҚШ Фуқаролик авиацияси федерал бошқармаси Америка авиакомпаниялари самолётларига Эрон, Ироқ ва Форс кўрфази устидан учиб ўтишни тақиқлади.
