Қозоғистоннинг Олмаота шаҳридаги «Кўктўбе» парки ҳудудидаги «Катапульта» аттракционидаги носозлик туфайли 13 ёшли бола йиқилиб тушди ҳамда жароҳат олди, деб хабар берди Tengrinews.
Болакай хавфсизлик камаридан учиб чиқиб кетган ва ерга қулаган. Бахтсиз ҳодиса оқибатида боланинг оёқлари синган.
Боланинг ота-онаси у ўзининг эҳтиётсизлиги оқибатида жароҳатлангани ҳамда ҳеч кимга ҳеч қандай эътирози йўқлигини билдирган.
Маҳаллий полиция ҳолат юзасидан суриштирув бошлаган. Агар аттракцион эгаси айбдор деб топилса, у катта миқдорда жарима тўлаши керак бўлади.
Эслатиб ўтамиз, Янги йилнинг иккинчи кунида Ўзбекистонда ҳам шунга ўхшаш бахтсиз ҳодиса юз берди.
Фарғонадаги Ал-Фарғоний номидаги истироҳат боғида 2 январь, пайшанба куни Booster Max номли аттракцион ишлаб турган вақтида унинг болтлари ечилиб, деталларидан бири чиқиб кетган. Ушбу деталь аттрационда учаётган 32 ёшли Н.Ю. исмли аёлнинг бошига келиб тушган.
Аёл тан жароҳати олиб, Республика шошилинч тиббий ёрдам илмий маркази Фарғона филиалига олиб борилган ва кўрсатилган тиббий ёрдамга қарамай вафот этган.
Изоҳ (0)