Ироқда хорижий давлатлар қўшинларини мамлакат ҳудудидан чиқариб юборишга тайёргарлик бошланди. Бу ҳақда Ироқ қуролли кучлари бош қўмондони вакили Абдулкарим Ҳалаф маълумотларига асосланиб, Al Arabiya телеканали хабар берди.
У Бағдод халқаро коалиция кучларининг ерусти ва ҳаводаги ҳаракатини чеклаганини айтган. Ҳалафнинг таъкидлашича, ҳозирда АҚШ ва НАТО музокаралар олиб бормоқда.
«Ироқдаги халқаро коалициянинг фаолияти ҳарбий маслаҳат, қурол-яроғ ва ҳарбий машғулотлар билан чекланади ва қуролли кучлар Ироқдан чиқиб кетади. АҚШнинг сўнгги зарбалари — бу аҳмоқликдир, унга қарши жим туриш мумкин эмас», — деди Ҳалаф.
Ҳалафнинг қўшимча қилишича, илгари қабул қилинган резолюция шунингдек, авиация ёрдами масаласи билан ҳам боғлиқ. Унинг фикрича, Ироқда ҳарбий техника, қурол-яроғ ва логистика ёрдами билан боғлиқ муаммолар мавжуд.
Изоҳ (0)