Brent маркасидаги нефтнинг бир баррели 6 январдаги савдоларда 70 доллардан ошди. Бу ҳақда Meduza хабар берди.
Савдолар вақтида бир баррель нефть нархи 70,73 долларга етган. 3 январь, жума куни Бағдодда Эрон генерали Қосим Сулаймоний ўлдирилганидан сўнг АҚШ ва Эрон ўртасидаги муносабатлар кескинлашганидан сўнг нефть нархи кескин кўтарила бошлади.
Нархлар Эроннинг жавоб ҳаракатларини кутиш фонида ошмоқда. Инвесторлар Теҳрон Ҳурмуст бўғозини ёпиб, Форс кўрфазидан нефтни ташишни қийинлаштириши ёки Саудия Арабистонининг нефть объектларига ҳужум қилишидан хавотирланмоқда.
Охирги марта Brent маркасидаги нефтнинг нархи 2019 йилнинг апрелида 70 доллардан ошганди.
Эрон генерал Сулаймонийнинг АҚШ томонидан ўлдирилишини террорчилик ҳаракати деб баҳолади. АҚШ президенти Дональд Трамп эса Сулаймонийни жаҳондаги биринчи рақамли террорчи деб атади. Ўз навбатида, Эроннинг БМТдаги доимий вакили Мажид Тахт-Равончи АҚШнинг ҳаракатларини «уруш эълон қилиш» деди.
Эрон 2015 йили мамлакат ҳукумати ва олти воситачи мамлакат ўртасида эришилган ядровий келишувдан тўлиқ чиқишини эълон қилди.
Изоҳ (0)