Австралия ҳукумати 2019 йилнинг ноябрь ойидан бери мамлакатни қамраб олган ўрмон ёнғинлари оқибатларини бартараф этиш учун 1,4 миллиард доллар ажратмоқчи. Бу ҳақда Reuters’га таяниб «РБК» хабар бермоқда.
«Бу эрда одамларнинг ҳаётини тиклаш учун зарур бўлган харажатларга таянамиз», — деган мамлакат бош вазири Скот Моррисон. Шунингдек, агар зарур бўлса, қўшимча маблаг ажратилишини ҳам айтиб ўтган.
Ёнғин Австралия жануби-шарқий соҳилларини қамраб олган бўлиб, оқибатда қарийб 24 киши ҳалок бўлган, ҳудуднинг ҳайвонот дунёси жиддий зарарланган. Ёнғинлар оқибатида камида 8 мингта коала нобуд бўлган. Айрим туманларда оловли торнадо кузатилмоқда.
Январь ойи бошида ҳалокат кўлами акс этган суратлар эълон қилинган эди.
Оловга қарши кураш учун 2,5 минг ўт ўчирувчи ва юзлаб махсус техника, хусусан, 90 та самолёт жалб этилган. Ҳафта охирига бориб штатда фавқулодда жазирама ва қуруқ ҳаво ҳукмронлик қилиши, кучли шамол эсиши кутилмоқда, бу эса ўт ўчирувчиларнинг ишини янада оғирлаштирмоқда.
Изоҳ (0)