Соғлиқни сақлаш вазирлиги 31 декабрь, 1—2 январда бўлиб ўтадиган байрам кунларида ҳам тиббиёт муассасалари узлуксиз, туну кун ишлашини маълум қилди.
«Байрам кунлари юртимиздаги барча тиббиёт муассасаларида тегишли жадвал асосида шифокорлар ва ўрта тиббиёт ходимларининг навбатчилик асосида фаолият юритиши йўлга қўйилади», — дейилади вазирликнинг Жамоатчилик билан алоқалар бўлими хабарида.
Мамлакат бўйлаб 2351 та амбулатория-поликлиника муассасалари, туман, вилоят ва республика миқёсидаги барча шифохоналар, илмий-амалий тиббиёт марказлари, тиббиёт олий ўқув юртлари клиникалари ва мавжуд 218 та туғруқ комплекслари, Республика шошилинч тиббий ёрдам илмий маркази, унинг ҳудудлардаги 13 та филиали, туман ва шаҳар тиббиёт бирлашмалари тизимидаги барча бўлимлар байрам кунлари навбатчилик асосида аҳолига хизмат кўрсатади.
Изоҳ (0)