Ўзбекистон Президенти «Баъзи давлат органларининг фаолияти такомиллаштирилиши муносабати билан Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида»ги қонунни имзолади, деб хабар берди «Kun.uz».
Қонун Қонунчилик палатаси томонидан 2019 йил 9 декабрда қабул қилинган Сенат томонидан 2019 йил 14 декабрда маъқулланган.
Ўзбекистоннинг 2012 йил 25 декабрда қабул қилинган «Тезкор-қидирув фаолияти тўғрисида»ги ЎРҚ–344-сонли қонуни 10-моддасининг (Тезкор-қидирув фаолиятини амалга оширувчи органлар) биринчи қисми қуйидаги мазмундаги бешинчи хатбоши билан тўлдирилди:
- «Ўзбекистон Республикаси Мудофаа вазирлиги ҳарбий разведкасининг»;
- бешинчи, олтинчи ва еттинчи хатбошилар тегишлича олтинчи, еттинчи ва саккизинчи хатбошилар деб ҳисобланади.
- Ўзбекистон Республикаси Ички ишлар вазирлигининг;
- Ўзбекистон Республикаси Давлат хавфсизлик хизматининг;
- Ўзбекистон Республикаси Президенти давлат хавфсизлик хизматининг;
- Ўзбекистон Республикаси Давлат божхона қўмитасининг;
- Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаментининг;
- Ўзбекистон Республикаси Бош прокуратураси ҳузуридаги Мажбурий ижро бюросининг органлари амалга оширади.
Тезкор-қидирув фаолияти ушбу қонун билан махсус ваколат берилган давлат органларининг тезкор бўлинмалари (бундан буён матнда тезкор-қидирув фаолиятини амалга оширувчи органлар деб юритилади) томонидан тезкор-қидирув тадбирлари ўтказиш орқали амалга ошириладиган фаолият туридир.
Изоҳ (0)