Ўзбекистон Президенти Шавкат Мирзиёев 17 декабрь, сешанба куни Японияга расмий ташриф дастуридаги биринчи манзил — Нагоя шаҳрига етиб борди. Бу ҳақда Президент матбуот хизмати хабар берди.
Маълум қилинишича, Тюбу халқаро аэропортида Шавкат Мирзиёевни Япония расмий доиралари вакиллари кутиб олди.
Мавзуга доир: Шавкат Мирзиёев расмий ташриф билан Японияга жўнаб кетди
Ташрифнинг асосий тадбирлари 18 декабрь, чоршанба куни бошланади.
Ўзбекистон Президенти Нагоя ва Токио шаҳарларида қатор икки томонлама учрашув ва тадбирлар ўтказади.
Нагояда Аичи префектураси ва шаҳар мерияси раҳбарлари билан музокаралар бўлиб ўтади. Шунингдек, Нагоя университетига ташриф буюриш кўзда тутилган.
Шу куниёқ Япония бош вазирининг ўринбосари, молия вазири Таро Асо, парламентдаги «Ўзбекистон—Япония» дўстлик лигаси фаоллари ҳамда Япониянинг етакчи компания ва банклари вакиллари билан учрашувлар ўтказилиши режалаштирилган.
Изоҳ (0)