Ўзбекистон Президенти 9 декабрь, душанба куни «Йўл соҳасини бошқариш тизимини янада такомиллаштириш чора-тадбирлари тўғрисида»ги қарорни имзолади. Бу ҳақда Spot хабар берди.
Қарорда «Ўзавтосаноат» компаниясига самосваллар ишлаб чиқаришни ташкил қилиш вазифаси юклатилган. Ишлаб чиқаришни етакчи хорижий компанияларни жалб қилган ҳолда ташкил қилиш режалаштирилмоқда.
Қайд этилишича, самосваллар юқори сифатли ва арзон нархли бўлиши, ички бозор талабларини қондириш учун етарли даражада бўлиши керак.
Шунингдек, мазкур қарорга асосан Ўзбекистонга импорт қилинадиган электромобиллар божхона божидан қайтадан озод қилинди. Мамлакатга олиб кириладиган электр автобуслар, юк машиналар ва мотоцикллар учун нол фоизли божхона божи жорий қилинди.
Изоҳ (0)