Интернет тармоғида олий ўқув юртлари талабаларининг қишки таътил кунлари тўғрисида турли маълумотлар берилмоқда. Олий ва ўрта-махсус таълим вазирлиги мазкур хабарларга муносабат билдирди.
Маълум қилинишича, Олий ва ўрта махсус таълим вазирлиги томонидан олий таълим муассасалари талабалари ва академик лицей, профессионал ҳамда ихтисослаштирилган таълим муассасалари ўқувчиларининг қишки таътил кунларини юқори савияда ташкил этиш бўйича ҳужжат лойиҳаси тайёрланган.
Вазирликнинг қайд этишича, мазкур масала юзасидан тегишли қарор қабул қилингач, таътил кунлари ҳақида қўшимча ахборот берилади.
Аввалроқ Олий ва ўрта махсус таълим вазирлиги Ўзбекистонда 22 декабрда ўтказиладиган сайлов муносабати билан талабаларнинг қишки таътил муддати ўзгариши мумкинлиги ҳақида хабар берган эди. Талабалар ўзи доимий рўйхатдан ўтган яшаш жойида овоз беришлари учун 2019/2020-ўқув йили қишки таътил даври 2019 йил 20 декабрдан 2020 йил 6 январгача этиб белгиланиши кутилаётгани маълум қилинган эди.
Изоҳ (0)