2019 йилда қанча ўзбекистонлик Россия фуқаролигини олгани эълон қилинди  

2019 йилда 2018 йилга нисбатан 48 фоизга кўпроқ чет элликлар Россия фуқаролигини олди, деб хабар берди «Вечерняя Москва».

Қайд этилишича, Россия федерациясининг янги 285 минг фуқаросидан 146 минг нафари Украина фуқаролари, 35 минг нафари Қозоғистон, 30 минг нафари Тожикистон, 17 минг нафари Арманистон, 14 минг нафари Ўзбекистон, 11,5 минг нафари Молдова фуқароларидир.

Чет эл фуқароларининг кўпчилиги Россия паспортини Ростов вилоятида (71 минг), Москва ва Москва вилоятида (мос равишда 10 ва 18 минг), Краснодар ўлкаси, Санкт-Петербург ва Ленинград вилоятида (ҳар бири 10 мингдан) олган.

Аввалроқ Ўзбекистоннинг Қозоғистондаги элчихонаси фуқаролиги бекор қилиниши мумкин бўлган ўзбекистонликлар рўйхатини эълон қилган эди.