Тошкент шаҳрида «Остона» халқаро молия марказидек молиявий марказ иш бошлайди. Бу ҳақда «Остона» халқаро молия маркази ҳуқуқ академияси академик кенгаши аъзоси Игор Рогов Олмаота шаҳрида ўтказилаётган юристлар форумида маълум қилди, деб ёзади Spot.
«Ўзбекистонлик ҳамкасбларимиз билан келишув мавжуд бўлиб, улар Тошкентда бундай марказ ва Навоий эркин иқтисодий зонасини очмоқда. Улар «Остона» халқаро молия маркази билан ҳамкорлик қилади. Ҳамкорлик доирасида ўзбекистонлик адвокатларни ҳам ўқитамиз», — деган Игор Рогов.
«Остона» халқаро молия марказини «мамлакат ичидаги мамлакат» деб ҳам аташади. У 2018 йилнинг ёзида иш бошлаган.
Қозоғистон жаҳон капитал бозорининг етакчи иштирокчиларини (Хитой давлат фондларидан тортиб, Швейцария хусусий банкларигача) солиқ имтиёзлари ҳамда қатор афзалликлар тақдим этган ҳолда жалб этишга умид қилмоқда.
Август ойида ўзбекистонлик бир гуруҳ журналистлар учун «Остона» халқаро молия марказига пресс-тур уюштирилган эди.
Изоҳ (0)