Тошкент шаҳар Олмазор туманида ҳайдовчилар ўртасида келишмовчилик юз берди. Унда ҳайдовчилардан бири тўппонча билан ўқталган. Кейинчалик аниқланишича, ушбу тўппонча пластмассадан тайёрланган ўйинчоқ бўлган. Бу ҳақда Тошкент шаҳар ИИББ хабар берди. Ҳолат акс этган ижтимоий тармоқларда тарқалган.
Олмазор тумани ИИО ФМБ ходимлари томонидан ушбу ҳолатнинг текшируви ўтказилиб, ҳодиса иштирокчилари ва келишмовчилик сабабларига аниқлик киритилди. Ҳодиса светофор ишламаслиги оқибатида тирбандлик юзага келган Келес кўчасида содир бўлган.
Икки автомобиль ҳайдовчилари — Matiz русумли автомобилни бошқарган 28 ёшли Фарход Й. ва Cobalt автомобилини бошқарган 51 ёшли Жаҳонгир Ж. бир-бирларига йўл бермаганлиги оқибатида улар ўртасида келишмовчилик юзага чиққан. Жанжал давомида Фарход Ю. Жаҳонгирга ўйинчоқ тўппонча билан таҳдид қилган.
Ушбу можаро бўйича текширув давом этмоқда,
Изоҳ (0)