АҚШ фуқароси Альберт Биняминов «Самарқанд бурғу асбоби» АЖнинг 214146 дона акциясини сотиб олди. Акциялар пакети жами акцияларнинг 23,452 фоизиини ташкил қилади. Бу ҳақда «Тошкент» фонд биржаси сайтида маълумот берилган.
Биняминов 2018 йилнинг январь ойида ҳам мазкур компаниянинг 107634 дона акциясини сотиб олган.
Компания акцияларининг 38 фоиз «Темир бетон 2004» МЧЖга, 25,28 фоизи тўрт нафар Қозоғистон фуқаросига тегишли. 21,7 фоиз акция эса 140 нафар жисмоний шахсга тегишли.
«Самарқанд бурғу асбоби» АЖ фойдали қазилмаларни қазиб олиш ва қидириш, туннеллар ва гидротехника иншоотларини қуришда тешикларни ва қудуқларни бурғулаш учун карбидли бурғулаш битларини ишлаб чиқаради.
Изоҳ (0)