«Ростов» клуби 3 ноябрь, якшанба куни Россия чемпионатининг 15-туридан ўрин олган баҳсда «Краснодар»га майдонга тушди.
Дастлаб ростовликлар 34-дақиқада Алексей Ионовнинг аниқ зарбасидан кейин ҳисобни очди, ушбу голга ўзбекистонлик ҳужумчи Элдор Шомуродов ҳаммуаллиф бўлди.
41-дақиқада Ионов учрашувда дублга эришиб, меҳмонларнинг иккинчи голини урди. Барчаси Валерий Карпин шогирдларининг ғалабаси томон кетаётган бир вақтда мезбонлар вазиятни ўнглай олди. Иккинчи бўлимга ҳакам томонидан қўшиб берилган вақтда Иван Игнатев ҳисобни қисқартирди. Орадан икки дақиқа ўтиб Уроша Спайич мувозанатни тиклади.
Шу тариқа ушбу дурангдан кейин «Ростов» иккинчи ўринга кўтарилиб олиш имкониятидан қуруқ қолди ва 30 очко билан учинчи поғонани эгаллаб турибди.
РПЛ
15-тур баҳси
3 ноябрь, якшанба
Краснодар – Ростов 2:2 (0:2, 2:0)
Голлар: 0:1 — 34 Ионов, 0:2 — 41 Ионов, 1:2 — 90+3 Игнатьев, 2:2 — 90+5 Спайич.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)