Тошкентда 2020 йилнинг январидан бошлаб ягона транспорт карталари амал қилишни бошлайди, деб хабар бермоқда «Gazeta.uz». Бу ҳақда пойтахт Транспорт бошқармаси бошлиғи Анвар Жўраев «Ўзбекистан 24» телеканалига берган интервьюсида маълум қилган.

«Метрополитеннинг янги бекатларидаги турникетлар бунга мослаштирилган. Картанинг янги тўртта тури: пенсионерлар, талабалар, ўқувчилар учун карта ва имтиёзли карта, шунингдек, умумий ягона транспорт картаси жорий этилади», — деган у.

Тўловни, шунингдек, телефондаги илова ёки банк карталари билан амалга ошириш ҳам мумкин бўлади.

Хабарда айтилишича, ягона транспорт карталари нафақат Тошентда, балки бутун Ўзбекистон бўйлаб амал қилади ва барча турдаги жамоат транспортида фойдаланиш мумкин: автобуслар, Тошкентдаги метро, Самарқанддаги трамвай, Хоразмдаги троллейбус ва ҳоказо.

Карталар давлат хизматлари марказларида берилади, унда эгаларининг сурати бўлиши режалаштирилган.

Эслатиб ўтамиз, сентябрь ойининг ўртасидан бошлаб тасдиқланган режа асосида Тошкент метрополитенининг Чилонзор йўналишининг «Олмазор», «Чилонзор», «Мирзо Улуғбек», «Пахтакор», «Буюк ипак йўли» бекатларида, Ўзбекистон йўналишининг «Дўстлик», «Тошкент», «Ўзбекистон», «Алишер Навоий», «Чорсу», «Беруний» бекатларида ва Юнусобод йўналишининг барча бекатларига HUMO пул тўлов карталари орқали йўлкира ҳақини тўлашни амалга ошириш имконини яратувчи тизим ўрнатилиб, босқичма-босқич ишга туширилди.