Ўзбекистон Олий Мажлиси сенати раиси бошчилигидаги делегация Японияда расмий ташриф билан бўлиб турибди.
Сенат ахборот хизматининг «Дарё»га хабар беришича, Танзила Норбоева 24 октябрь, пайшанба куни император Нарухито ва Япония бош вазири Синдзо Абэ билан учрашган.
«Япониянинг янги императори Нарухитонинг тахтга ўтириши тантанали маросимида Ўзбекистон делегацияси раҳбари уни тахтга ўтиргани билан табриклади. Томонлар Ўзбекистон—Япония стратегик шериклигини янада мустаҳкамлаш истагини билдирди», — дейилади хабарда.
Шунингдек, ушбу тадбир доирасида сенат раиси Танзила Норбоеванинг Япония бош вазири Синдзо Абэ билан ҳам учрашуви бўлиб ўтди.
Суҳбат чоғида икки мамлакат ўртасидаги муносабатлар изчил ривожланаётгани, айниқса, Ўзбекистон Президентининг Японияга ташрифи олдидан ўзаро қизиқиш тобора ортиб бораётгани таъкидланди.
Сенат раисининг Японияга ташрифи давом этмоқда.