Юнусобод тумани ҳокими ўринбосари пора билан қўлга олинди. Бу ҳақда Бош прокуратура матбуот хизмати «Дарё»га хабар берди.
Ҳуқуқни муҳофаза қилувчи органлар ходимлари томонидан ўтказилган тезкор тадбирда Юнусобод тумани ҳокимининг қурилиш ишлари бўйича ўринбосари Э.З. фуқаро Р.М.дан ўзбошимчалик билан қурилган иморатга эгалик ҳуқуқини эътироф этиш бўйича туман ҳокимининг қарорини чиқариб бериш эвазига 5 000 АҚШ долларини пора тариқасида олган вақтда ашёвий далиллар билан ушланган.
Мазкур ҳолат юзасидан 11 октябрда Бош прокуратура ҳузуридаги департамент томонидан Э.З.га нисбатан ЖК 210-моддаси 2-қисми («Пора олиш»)«в» банди билан жиноят иши қўзғатилган. Тергов ҳаракатлари олиб борилмоқда.
Изоҳ (0)