Режиссёр Зулфиқор Мусоқовнинг «Осмондаги болалар» фильмидаги Ҳамдам роли билан машҳурликка эришган актёр Музаффар Саъдуллаев «Дарё» интернет-нашрига эксклюзив интервью берди. Интервьюни журналист Феруз Муҳаммад ташкиллаштирди.
Музаффар Саъдуллаев суҳбат давомида маълум бир муддат кинодан узоқлашиб кетиб, тунукачилик билан шуғуллангани сабаби ҳақида гапириб берди.
2014–йилдан 2018 йилнинг ёзига қадар тўрт йилдан ортиқ вақт мобайнида, Чорсуда «Жар»нинг орқасида ҳунармандларнинг растаси бор, ўша ерда тунукачи бўлиб фаолият юритганман. Ҳозирги вақтда ҳам ҳунармандлар уюшмасига аъзоман.Одамда шунақа бир вақт бўларкан, нимадандир кўнгил тўлмас экан, нимадандир норози бўлиб, кечиб кетиб, танаффус қилишга тўғри келар экан. Ўшанақа бир даврда тунукачилик қилдим.
У вақтда ‘Ўзбекфильм’да текширувлар бўлди. ‘Ўзбекфильм’да деярли 30 йил ишлаган инсон, фожеали ҳолатда оламдан ўтиб қолдилар. Агар бунақа ҳолат бўлса кинода ишламайман дедим. Чунки ёнинггизда ҳар куни бирга юрган, сёмкаларда бирга ишлаб юрган одам фожеали ҳолатда оламдан ўтса жуда ҳам оғир ботар экан.
Касал бўлиб ёки авария ҳолат бўлиб оламдан ўтса тушунса бўлади, аммо бунақа фожеали ҳолатда оламдан ўтса, одамга жуда ҳам қаттиқ таъсир қилар экан.
Менга тўғриси, русча айтганда ‘моралний’ дейдику, асабимга жуда ёмон таъсир қилди. Соғлигимни йўқотиб қўйдим, юрагим сабаб шифохонада ўн кун ётиб чиқдим, кейин яна ётиб даволанишимга тўғри келди. Хуллас ўша воқеалар сабаб кинодан узоқлашиб кетган эдим.
Музаффар Саъдуллаев, актёр, «Инсон» киностудияси раҳбари
Изоҳ (0)