Бишкекнинг Первомайск туман судига «қонундаги ўғри» Азиз Батукаев озод этилиши ҳолати бўйича жиноий иш кўриб чиқиш учун юборилди. Бу ҳақда Қирғизистон бош прокуратураси матбуот хизмати маълум қилди, дея хабар беради Tengrinews.
Қирғизистон ИИВ Тергов хизмати олиб борган текширув давомида мамлакатнинг собиқ президенти Алмазбек Атамбаевга «Уюшган жиноий гуруҳ манфаати йўлида коррупцияга қўл уриш» моддаси бўйича жиноят содир этганликда гумон қилинаётгани ҳақида огоҳлантирув тақдим этилган.
Мазкур жиноий иш Бош прокуратура ихтиёрига келиб тушди. Ўрганишлар натижасида прокуратура томонидан Алмазбек Атамбаев, собиқ бош прокурор Индира Жолдубаева, Жазони ижро этиш давлат хизмати собиқ маслаҳатчиси Калибек Качкиналиев ва Гематология маркази раҳбари Абдуҳалим Раимжановга нисбатан айблов акти тасдиқланган ва топширилган.«Айблов акти Бош прокурор Қирғизистоннинг собиқ прокурори «қонундаги ўғри»ни озод қилгани учун қўлга олиндиўринбосари томонидан имзоланган. Шу пайтдан бошлаб ушбу 4 киши айбланувчи ҳисобланади», — деди Атамбаевнинг адвокати Сергей Слесарев.
Миллати чечен бўлган ва 1966 йили Тўқмоқ шаҳрида туғилган Азиз Батукаев 1990 йилларда Қирғизистондаги йирик жиноий гуруҳ етакчиси бўлган. 2014 йилда уни қамоқдан чиқариб олиб, махсус борт билан Чеченистонга юборилган. Жиноий иш материалларида келтирилишича, «қонундаги ўғри» қамоқхонадан собиқ президентнинг бевосита кўрсатмасига биноан озод қилинган.
Изоҳ (0)