Business Insider талқинига кўра 2019 йилнинг энг яхши смартфони деб OnePlus 7T топилди.
OnePlus 7T чиройли дизайн, ажойиб камераси ва автоном хусусиятлари сабаб рейтингда биринчи бўлди. Иккинчи ўринни Apple’нинг iPhone 11 модели эгаллади. Ушбу смартфон 6,1-дюмли экран, кучли процессор, шунингдек, жуда яхши камерага эгалиги алоҳида қайд этилган.
Кучли учликни OnePlus’нинг яна бир модели — 7 Pro якунлаб берган. Ушбу смартфон бармоқ излари ва юз идентификациясини амалга оширишда ўта тезкор ҳисобланмоқда.
Рейтинг қурилмаларнинг нархи ҳамда ишлаш функцияларига асосланган ҳолда тузиб чиқилган.
Шунингдек, энг яхши смартфонлар ўнталигига Google’нинг Pixel 3а ва Pixel 3а XL, OnePlus 6T, Samsung Galaxy S10e, iPhone XR, Samsung Galaxy Note 10 Plus, Samsung Galaxy S10 ва Galaxy S10 Plus, iPhone 11 Pro ҳамда iPhone 11 Pro Max смартфонлари кирган.
Изоҳ (0)