Ўзбекистонда биринчи маротаба органик пахта етиштирилди. Бу ҳақда Қишлоқ хўжалиги вазирлиги ахборот хизмати хабар берди, деб ёзади ЎзА.
Маълум қилинишича, органик пахта Чиноз кластерининг Textile technologiyes group МЧЖ ХК томонидан ишлаб чиқилган. Экологик тоза маҳсулот ҳисобланган органик пахтани жаҳон ва Европа бозорларига экспорт қилиш режалаштирилган.
Болгариядан ташриф буюрган Control union ташкилоти инспектор-аудитори Екатерина Томева маҳсулотнинг сифат даражасини кўздан кечириб, унга юқори баҳо берди ва маҳсулотдан нафақат олий навли тола, балки чигитидан экологик тоза пахта ёғи олиниши мумкинлигини ҳам қайд этган.
Екатерина Томева етиштирилган органик пахта сифат даражаси бўйича бозордаги нархи бир ярим баробар қўшимча қийматга эга бўлишини таъкидлаган.
Изоҳ (0)