Афғонистонда бўлиб ўтган сайловлар вақтидаги 113 та ҳужум оқибатида қурбон бўлганларнинг сони 32 нафарга, жароҳатланганлар эса 123 нафарга етган. Бу ҳақда Pajhwok’га асосланиб «Коммерсантъ» хабар берди.
Маълумотларга кўра, террорчилик ҳаракатларининг 64 таси учун масъулиятни «Толибон» ҳаракати вакиллари ўз зиммасига олган. Аввалроқ, яраланганлар сони 15 тага етгани ҳақида хабар қилинганди.
Мавзуга доир: Афғонистонда бошланган президентлик сайловларида учта асосий сиёсий гуруҳ кураш олиб бормоқда
Мамлакатда президентлик сайловлари икки марта кечиктирилган, ҳатто ўтказилмаслик хавфи остида ҳам қолганди. Бунга АҚШ ҳамда «Толибон» ўртасида тузилаётган келишув сабаб бўлганди. Аммо Вашингтон келишув жараёнини тўхтатгач, Афғонистон ҳукумати қалтис вазиятга қарамасдан сайловларни ўтказишга қарор қилганди.
Изоҳ (0)