Давоми: Кетди-кетмади... Комил Алламжонов Олмазор тумани ҳокими ўринбосари ишдан бўшатилганини тасдиқлади
Нашр туман ҳокимлиги билан боғланган, ҳокимият вакиллари 27 сентябрь, жума кунидан бошлаб Абдурасул Ваҳобов ўз лавозимидан кетганлигини маълум қилган.
Аввалроқ Бош прокуратура Олмазор тумани ҳокими ўринбосари Абдурасул Ваҳобовнинг журналистларга ташланишини «касб этикасига тўлиқ мос» деб топиб, унга нисбатан жиноят иши қўзғатишни рад этгани ҳақида хабар берилган эди.
Олмазор туман ҳокими ўринбосари Абдурасул Ваҳобов 14 август куни «Kun.uz» ходимларига таҳдид қилганди. Орадан бир кун ўтиб Тошкент шаҳар ҳокимлиги матбуот хизмати томонидан Ваҳобовнинг видеоинтервьюси эълон қилинди ва унда ҳоким ўринбосари «Kun.uz» мухбири Раҳматилла Исроилов муқаддам ундан тамагирлик йўли билан ер талаб қилгани ва бунинг эвазига катта миқдорда пора таклиф этгани ҳақидаги даъвони илгари сурган эди.
Ушбу ҳолат юзасидан Ўзбекистон журналистлари ижодий уюшмаси, Тошкент шаҳар ҳокимлиги ҳамда Ахборот ва оммавий коммуникациялар агентлиги ўрганиш ўтказаётганини маълум қилди. Депутат Расул Кушербоев журналистларга қўпол муносабатда бўлган ҳоким ўринбосари ўз лавозимини тарк этиши кераклиги ҳақида фикр билдирганди.
Мавзуга доир:
- Олмазор «замҳокими» барибир қонунни бузган. Хушнуд Худойбердиев тушунтиради
- «Ҳокимлик хулосаси кулгили, прокуратура эса туҳмат масаласини кўриб чиқиши керак». Хушнуд Худойбердиев Олмазор «замҳокими» билан боғлиқ вазиятга муносабат билдирди
- Олмазор «замҳокими»нинг журналистларга ташланиши «касб этикасига тўлиқ мос» деб топилди. Прокуратура унга нисбатан жиноят иши қўзғатишни рад этди
Изоҳ (0)