Исландиялик фотограф Хаукур Сноррасон Facebook’да 2018 йил августида самолётдан iPhone 6S Plus’ини тушириб юборгани ва кейинчалик уни топгани ҳақида ҳикоя қилиб берган. Кичикроқ самолётда учган вақтида фотограф очиқ деразадан Жанубий Исландиядаги Скафтау ирмоқларини суратга олмоқчи бўлган. Кейин эҳтиётсизлик оқибатидан телефонини тушириб қўйган. iPhone 60 метр баландликдан ирмоқлар орасидаги тош устига қулаган, деб ёзмоқда Meduza.
Сноррасон кимдир қачондир ўз телефонини топиб олишига умид қилганди. Умиди бекор кетмади, 2019 йил сентябрида унинг iPhone’и топилди. Қурилмани ўрмонда айланиб юрган туристлар топиб олган. Улар iPhone’ни компьютерга улашди ва у ерда «Haukur’s iPhone» яъни «Ҳаукурнинг iPhone’и» ёзувини кўриб, Рейкявикда у билан кўришди ва омонатни эгасига берди.
«Орадан бир йил вақт ўтган бўлса ҳам iPhone ҳали ҳам ишламоқда. Исландия об-ҳаво шароитида шундай бўлди», — дея ҳайратини яширмаган Сноррасон. Унинг сўзларига кўра, телефон интернетга кирмоқда, ундан расм ва видеолар жўнатиш мумкин. Самолётдан қулагандан сўнг iPhone кўрган энг жиддий талофат — эгаси бошқаларга қўнғироқ қилганида уни ҳеч ким эшитмаяпти.
Телефонда Сноррасон самолётдаги парвоз вақтида тасвирга туширган ролик сақланиб қолган. Ёзувда қисқа давом этган, аммо ваҳимали қулашдан сўнг iPhone’нинг видеога олишни давом эттираётганини кўриш мумкин.
https://www.facebook.com/haukur.сноррасон.3/видеос/2483596388386549/
Изоҳ (0)