ЕЧЛ. ПСЖ «Реал»га жавобсиз 3 та гол урди, «Ювентус» эса Мадридда ғалабани қўлдан чиқарди (видео)
Футбол бўйича Европа Чемпионлар Лигасининг 1-турида 18 сентябрь, чоршанба куни гуруҳларда бир нечта ўйинлар якунланди.
Турнинг марказий ўйинларидан бирида Томас Тухель қўл остидаги Парижнинг ПСЖ клуби ўз майдонида Зинедин Зидан бошлиқ Мадриднинг «Реал» клубини қабул қилди.
Учрашувда Париж клуби ярим ҳимоячиси Анхел Ди Мария (14, 33) дублга эришган бўлса, белгиялик ҳимоячи Тома Менье (90) ҳисобни йирик кўринишга олиб келди.
Натижада парижликлар ўз уйида «Қироллик клуби» дарвозасига жавобсиз 3 та гол уриб, муҳим ғалабага эришди.
«D» гуруҳида эса Криштиану Роналду етакчилигидаги Туриннинг «Ювентус»и меҳмонда Диего Симеоне бошқарувидаги Мадриднинг «Атлетико» жамоасига қарши майдонга тушди.
Беллашув давомида Турин клуби вакиллари Хуан Куадрадо (48) ҳамда Блез Матюиди (65) томонидан урилган голларга «матрасчилар» Стефан Савич (70) ва Эктор Эррера (90)нинг голлари билан жавоб қайтарди.
Шу тариқа ўйин жанговар дуранг натижа билан якунланди ва жамоалар бир очкодан бўлишиб олди (2:2).
ЕЧЛ
1-тур баҳслари
18 сентябрь, чоршанба
«А» гуруҳи
«Брюгге»—«Галатасарой» 0:0
ПСЖ—«Реал Мадрид» 3:0
Голлар: 1:0 — 14 Ди Мария, 2:0 — 33 Ди Мария, 3:0 — 90 Менье«B» гуруҳи
«Олимпиакос»—«Тоттенҳэм» 2:2
Голлар: 0:1 — 26, пенальти Кейн, 0:2 — 30 Лукас Моура, 1:2 — 44 Поденсе, 2:2 — 54, пенальти Вальбуэна«Бавария»—«Црвена Звезда» 3:0
Голлар: 1:0 — 34 Коман, 2:0 — 80 Левандовски, 3:0 — 90 Мюллер«C» гуруҳи
«Шахтёр»—«Манчестер Сити» 0:3
Голлар: 0:1 — 24 Маҳрез, 0:2 — 38 Гундўғон, 0:3 — 76 Габриэль Жезус«Динамо Загреб»—«Аталанта» 4:0
Голлар: 1:0 — 10 Леовац, 2:0 — 31 Оршич, 3:0 — 42 Оршич, 4:0 — 68 Оршич«D» гуруҳи
«Атлетико Мадрид»—«Ювентус» 2:2
Голлар: 0:1 — 48 Куадрадо, 0:2 — 65 Матюиди, 1:2 — 70 Савич, 2:2 — 90 Эррера«Байер»—«Локомотив М» 1:2
Голлар: 0:1 — 16 Криховяк, 1:1 — 25, автогол Хеведес, 1:2 — 37 БариновЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
