Facebook’даги «Халқ фикри» гуруҳида Андижон вилояти Балиқчи туманидан аёлларнинг видеомурожаати жойлаштирилди.
Видеода тумандаги катта автомобиль йўлига туриб олган «Очлик эълон қиламиз» ёзувларини кўтарган саккиз аёл, бир эркак ва икки болакай тасвирланган.
Норозилик билдираётган аёллар: «Биз Президент билан гаплашамиз. Бугундан бошлаб очлик эълон қиламиз ва кўчада тунаймиз. Керак бўлса асфалтга ётиб олиб, машина остига ўзимизни ташлаймиз. Ҳаммамиз жонимиздан тўйдик. Ваъдалардан зерикдик, Балиқчи тумани ҳокимлиги бизни бир йилдан бери алдаб келмоқда. Компенсация пулимизни ундириб беришсин», — деб ўз гапларини баён қилган.
Йиғилганлар номидан асосий норозиликни қолганларга нисбатан ёши каттароқ бўлган онахон билдиради. Унинг сўзларига кўра, Балиқчи туманида одамларнинг уйлари бузилган ва туман ҳокимлиги бир йилдан бери уларга компенсация тўламай келмоқда. Фуқароларни ёш бола қилиб алдашяпти ва уларнинг аризалари жавобсиз қолдирилмоқда. Аёлнинг сўзларига кўра, банкдан келган мутасаддилар одамларни уриб, сўкиб уйларидан ҳайдаб чиқарди.
Изоҳ (0)