Ўзбекистоннинг Санкт-Петербург шаҳридаги бош консулхонаси Ўзбекистон фуқаролари иштирокида 2019 йилнинг 9 сентябрь куни содир бўлган ҳодиса ҳақида ОАВда тарқалган маълумотни тасдиқлади, деб хабар беради ТИВ матбуот хизмати.
Ҳуқуқни муҳофаза қилиш органлари берган хабарга кўра, полиция томонидан тўхтатилган автомобиль ҳайдовчиси ва икки йўловчиси полиция ходимининг қонуний талабларини бажармай, унга тан жароҳатлари етказган. Ҳайдовчи ва бир йўловчи қўлга олинган. Учинчи иштирокчини қидириб топиш ва қўлга олиш бўйича чоралар кўрилмоқда. Жиноий иш қўзғатилган.
Бош консулхона томонидан мазкур вазият назоратга олинган ва Санкт-Петербург шаҳрининг тергов органлари билан ишчи алоқалар ўрнатилган.
«Консуллик-ҳуқуқий департаменти эслатиб ўтадики, Россиянинг Шимоли-ғарбий федерал округи (Архангелск вилояти, Калининград вилояти, Карелия Республикаси, Коми Республикаси, Ленинград вилояти, Мурманск вилояти, Ненец автоном округи, Новгород вилояти, Псков вилояти, Санкт-Петербург шаҳри, Вологода вилояти) ҳудудида жойлашган фуқароларимиз зарур вазиятларда мамлакатимизнинг Санкт-Петербург шаҳридаги Бош консулхонасига қуйидаги телефон рақами орқали мурожаат қилишлари мумкин: +7-965-029-41-49», — дейилади хабарда.
Изоҳ (0)