Ўзбекистон 2020 йили бўлиб ўтадиган 19 ёшгача бўлган футболчилар ўртасидаги Осиё чемпионатининг финал босқичига мезбонлик қилади.
17 сентябрь, сешанба куни Куала Лумпурда ОФК Мусобақалар қўмитасининг йиғилиши ўтказилди. Мазкур йиғилишда U-19 Осиё чемпионати баҳсларини қабул қилиш учун ариза берган мамлакатлар ичида Ўзбекистон номзоди маъқулланди.
Шунингдек, U-16 Осиё чемпионатининг мезбонлик ҳуқуқи Баҳрайнга берилган.
Маълумот учун, U-19 Осиё чемпионати баҳслари тақвимга кўра, 2020 йилнинг 14—31 октябрь кунлари бўлиб ўтади.
Эслатиб ўтамиз, 16 сентябрь, душанба куни Ўзбекистон Президенти Шавкат Мирзиёев Осиё футбол конфедерацияси раҳбари Шайх Салмон бин Иброҳим ал-Халифа билан учрашганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)