Абдусалом Азизов хавфсизлик ва разведка хизмати раҳбарларининг форумида иштирок этиш учун Қозонга бориши кутилмоқда

Давлат хавфсизлик хизмати раиси Абдусалом Азизов 23 сентябрь куни Қозон шаҳрига бориши кутилмоқда, деб хабар беради «Xabar.uz».

ДХХ раиси у ерда бўлиб ўтадиган МДҲга аъзо давлатларнинг хавфсизлик ва разведка хизмати раҳбарларининг навбатдаги йиғилишида қатнашади.

Форумда Ўзбекистон, Озарбайжон, Арманистон, Беларусь, Қозоғистон, Қирғизистон, Тожикистон, Туркманистондан делегациялар иштирок этади.