Самарқанд вилояти Пахтачи туманида яшовчи аёл МИБ ходимининг қонуний хатти-ҳаракатларига тўсқинлик қилиб, уни таёқ билан урди. Бу ҳақда Бош прокуратура матбуот хизмати хабар берди.
13 сентябрь, жума куни соат 10:00 да МИБ Пахтачи тумани бўлими ходимлари ҳудудда жойлашган хусусий корхонага ўзбошимчалик билан электр тармоғига уланиб олганлиги ҳолатини текшириш мақсадида борган.
Аммо 1991 йилда туғилган Н.Р. исмли аёл МИБ ходимларининг фаолиятига қаршилик кўрсатиб, уларни ҳақорат қилиб, таёқ билан Б.У.нинг танасининг турли қисмларига уриб, шунингдек, Ф.Х.нинг қўлидан далолатномани тортиб олиб, уларни йиртиб, ёқиб юборган.
Мазкур ҳолат юзасидан туман прокуратураси томонидан Н.Р.га нисбатан ЖКнинг 140-моддаси (ҳақорат қилиш) 3-қисми «а» банди, 219-моддаси 2-қисми ва 227-моддаси 1-қисми билан жиноят иши қўзғатилган.
Тергов ҳаракатлари давом этмоқда.
Изоҳ (0)