Футбол бўйича Италия А Сериясининг 3-тури доирасида 14 сентябрь, шанба куни навбатдаги 2 та ўйин бўлиб ўтди.
Карло Анчелотти бошлиқ «Наполи» ўз майдонида «Сампдория» билан баҳсга киришди.
Учрашувнинг 13 ва 67-дақиқасида мезбон жамоа ҳужумчиси Дрис Мертенс икки бор рақиб дарвозасини ишғол қилди.
Шу тариқа «Наполи» ўз уйида «Сампдория»ни 2:0 кўринишида мағлуб этди ва 3 очкога эга бўлди.
Ушбу ғалабадан сўнг «Наполи»нинг очкоси 6 тага етди ва жамоа мусобақа жадвалида 4-ўринда бормоқда. Сўнгги ўринни эгаллаб турган «Сампдория» эса бирорта ҳам очко йиға олмади.
Шу куни Антонио Конте бошчилигидаги Миланнинг «Интер» клуби «Джузеппе Меацца» стадионида «Удинезе» билан ўйнади.
Ўйиндаги ягона гол 44-дақиқада урилди. Унга Милан клуби ярим ҳимоячиси Стефано Сенси муаллифлик қилди.
Таъкидлаш жоиз, беллашувнинг 35-дақиқасида «Удинезе» аъзоси Родриго де Паул ҳакам томонидан тўгридан тўғри қизил карточка билан жазоланди.
Натижада «Интер» «Сампдория»ни мағлубиятга учратди (1:0).
Мазкур ғалабадан сўнг Конте жамоаси 9 очко тўплаб, мусобақа жадвалидаги етакчилигини мустаҳкамлади. «Удинезе» эса 3 очко билан 14-ўринни банд қилиб турибди.
А Серия
3-тур баҳслари
14 сентябрь, шанба
«Наполи»—«Сампдория» 2:0
Голлар: 1:0 — 13 Мертенс, 2:0 — 67 Мертенс«Интер»—«Удинезе» 1:0
Гол: 1:0 — 44 СенсиЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)