Ёшлар иттифоқи тизимида ишловчи 1,5 минг ходимнинг август ойи маошлари 16 сентябрдан бошлаб тўлиқ берилади. Бу ҳақда Иттифоқ ахборот хизмати «Дарё»га маълум қилди.
Аввалроқ бюджетдан маблағ ажратишдаги узилишлар сабабли Ёшлар иттифоқи тизимидаги юзлаб ходимлар август ойи учун маошларини ололмаётгани ҳақида хабар берилган эди. Ушбу ҳолат юзасидан Молия вазирлиги «Дарё»га изоҳ берди.
Мавзуга доир: Ўзбекистон Ёшлар Иттифоқи ходимларининг маоши кечикмоқда
Ташкилотни сақлаш харажатлари, шу жумладан ходимларнинг иш хақи харажатлари ягона солиқ тўловидан 4 фоизлик ажратма ҳисобига амалга оширилишини инобатга олиб, Ёшлар иттифоқи ходимларининг иш хақи кечиктирилиши масаласи Молия вазирлигига боғлиқ эмас.
Ёшлар иттифоқи Марказий кенгаши ахборот хизматининг «Дарё»га маълум қилишича, Иттифоқнинг ҳудудий Кенгашлари ва тизим ташкилотлари ходимлари учун тўланадиган маошлар бўйича муаммо йўқ.
13 сентябрдан бошлаб тизимдаги барча ташкилотлар учун режалаштирилган маблағлар ажратила бошланган ва ҳудудий кенгашларга ўтказиб бериладиган ойликнинг учдан бир қисми ўтказиб берилган.
Иттифоқдан маълум қилишларича, тизимдаги ташкилотларнинг барча ходимларига 16 сентябрь, душанбадан бошлаб август ойи учун иш ҳақларини тўлиқ тўлаб берилади.
Изоҳ (0)