Сурхонадарё вилояти Олтинсой туманидаги ўрта таълим мактабининг 10-синфида ўқувчи қиз М.М. мактабнинг собиқ ўқитувчиси Б.М. у билан мажбурий равишда жинсий алоқада бўлиб келган аниқланган. Бу ҳақда «Дарё»га ИИВдаги манбалари маълум қилди.

Фото: «Protoday.uz»

Маълум бўлишича, Олтинсой тумани «Катта Вахшивор» МФЙда яшовчи М.Р. ҳуқуқни муҳофаза қилувчи органларига ариза билан мурожаат қилиб, 39-умумий ўрта таълим мактабининг 10-синфида ўқувчи вояга етмаган қизи М.М. (2002 й.т.) билан мактабнинг собиқ ўқитувчиси Б.М. мажбурий равишда жинсий алоқада бўлиб келганлигини билдирган. М.Р. аризасида Б.М.га нисбатан қонуний чора кўришни сўраган.

Мазкур ҳолат юзасидан ўтказилган суриштирув ҳаракатларига кўра, Жиноят кодексининг 128-моддаси (ўн олти ёшга тўлмаган шахс билан жинсий алоқа қилиш) 1-қисми билан жиноят иши қўзгатилган. Ҳозирда Олтинсой тумани ИИБ Тергов гуруҳи томонидан тергов ҳаракатлари олиб борилмоқда.

Аввалроқ, Сирдарёда 58 ёшли эркак 15 ёшли жиянини зўрлаганликда гумонланаётгани ҳақида хабар бергандик.