Асосчиларидан бири Леонардо Ди Каприо бўлган EarthAlliance хайрия ташкилоти ўрмон ёнғинларидан азият чекаётган Амазонияга 5 миллион доллар юборади. Бу ҳақда «РИА Новости» хабар бермоқда.
«EarthAlliance компанияси Амазониядаги биологик хилма-хилликни ёнғиндан сақлаб қолиш устида ишлаётган маҳаллий аҳоли ва бошқа маҳаллий шерикларга юбориш учун Амазония ўрмонларига бюджети 5 миллион доллар бўлган фавқулодда ёрдам фондини яратди», — дейилади ташкилотнинг Twitter’даги саҳифасида.
Аввалроқ Франция президенти G7 Амазониядаги ёнғинларни ўчириш учун 20 миллион евро атрофида фавқулодда ёрдам юборишини айтган эди. Канада ҳам бунга 15 миллион доллар ажратишга ваъда берган. Мамлакат ташаббуси G7 учрашувида келишилган умумий ёрдам пакетига киритилмаган.
Изоҳ (0)