2019 йил 24 август куни соат 18:30 ларда Тошкентдаги «12-сонли автобус саройи» АЖ ҳайдовчиси Ф.М. 104-йўналишдаги Isuzu автобусини Сергели тумани, Хонободтепа кўчасида жойлашган «Лайло» тўйхонаси олдида ҳайдаб кетаётганда автобуснинг рессори синиб кетган.
Ҳодиса оқибатида ҳайдовчи бошқарувни эплай олмаган ва автобус ағдарилиб кетган.
Автобуснинг 2 нафар йўловчиси—Сергели туманида яшовчи 59 ёшли Г.Х. исмли аёл ва Бухоро вилояти, Олот туманида яшовчи 2015 йилда туғилган З.П. исмли қиз жароҳат олиб, касалхонага ётқизилган.
Яна 6 нафар йўловчига касалхонада тиббий ёрдам кўрсатилиб, уйига жавоб берилган.
Ҳолат юзасидан дастлабки терговолди ҳаракатлари олиб борилмоқда.
Изоҳ (0)