Тошкентда I Халқаро инфлюенсерлар конгресси (World Influencers Congress – WIC) ўз ишини бошлади. Бу ҳақда Ахборот ва оммавий коммуникациялар агентлиги директор ўринбосари Саида Мирзиёева маълум қилди.
Бундай тадбир мамлакатда илк бор ўтказилмоқда.
Тадбирга дунёнинг 40 мамлакатидан аудиторияси қарийб 1 миллиард кишини қамраб олган 100 нафардан зиёд инфлюенсер таклиф этилган. Трендларни белгилаб берувчи бу меҳмонларни Ўзбекистон бўйлаб мароқли саёҳат кутмоқда.
«Бу Ўзбекистоннинг туризм соҳасидаги улкан салоҳиятини намойиш этиш мақсадида бутун дунёдан блогерлар, медиа шахслар, ижтимоий тармоқлар учун контент яратувчиларни жалб этишга қаратилган ноёб майдондир. Бошқача қилиб айтганда, конгресс бетакрор тарихий-маданий мерос хазинаси бўлган юртимизга янада кўпроқ эътибор қаратишга ёрдам беради», — дея таъкидлаган Саида Мирзиёева.
⠀
Изоҳ (0)