Тадбиркор ва ишбилармонларимизнинг тадбиркорлик фаолиятида юзага келган муаммоларини бартараф этиш, уларга мутасаддилар томонидан тезкор амалий ёрдам кўрсатилишини таъминлаш мақсадида «Микрокредитбанк» АТБ бошқаруви раиси О.Алмарданов Нукус шаҳрида Нукус, Хўжайли ва Чимбой туманлари, шунингдек, Амударё туманида Амударё, Тўрткўл ва Элликқалъа туманларининг тадбиркорлари билан учрашди.

Учрашувда тадбиркорларга мамлакатимизда кейинги икки ярим йил мобайнида кичик бизнес ва хусусий тадбиркорларнинг жадал ривожланишини таъминлаш, соҳада бюрократик тўсиқларни бартараф этиш, инвестиция ва банк хизмат турларини яхшилаш борасида кенг кўламли ислоҳотлар амалга оширилаётганлиги тўғрисида тўхталиб, тадбиркорларга янги банк хизматлари, онлайн кредитлар, хорижий кредит линиялари, шунингдек, мавжуд имтиёзлар тўғрисида батафсил тушунчалар берилди.

70 дан ортиқ ишбилармон ва тадбиркорлар қатнашган учрашувда 47 нафар тадбиркорларнинг мурожаатлари тингланди, 14 нафар тадбиркорнинг мурожаати учрашув давомида ўз ечимини топди. 33 та мурожаатга тегишли масъуллар бириктирилиб ижросини таъминлаш бўйича 10 кунлик муддат белгиланди. Мурожаатлар ижроси шахсан «Микрокредитбанк» АТБ бошқаруви раиси томонидан назоратга олинди.

Реклама ҳуқуқи асосида.